劇情簡介

台譯《生存家族》。 假如一覺醒來，全世界突然大停電，手機唔著上唔到網，電器失靈缺水斷糧地鐵火車全面癱瘓，平日享慣科技文明的我們驟然回歸原始，如何活下去？ 住在東京的鈴木四口之家，表面一家人實則各自為政關係凍過水，阿爸終日望住部電視，阿仔只顧住聽歌，阿女忙住玩手機，冇人得閒睬阿媽。點知有日一早醒來發現屋企停電，手機、電腦、電器全部失靈，開唔到車地鐵又停駛，初時只擔心返工返學點算好，最愁都係無得上網玩手機⋯⋯後來才驚覺大件事，全個東京大停電，交通網絡全面癱瘓，缺水又斷糧，全城頓成廢墟！面對如此重大危機，一家之主終於要揸返次主意，毅然決定帶住老婆仔女出走東京展開求生大逃亡！